Йӗпреҫ районӗнче пурӑнакан 63 ҫулти арҫынна хӗрӗн кил-ҫуртне чӗртсе янӑшӑн суд тунӑ. Вӑл айӑплӑ тесе йышӑннӑ. Арҫынна тӗрмене хупмасӑр 2 ҫуллӑха айӑпланӑ.
Следстви палӑртнӑ тата суд ҫирӗплетнӗ тӑрӑх, кӑҫал ака уйӑхӗн 24-мӗшӗнче ҫак арҫын ӳсер пулнӑ, Шӑрттан ялӗнчи хӗрӗ патне кӗнӗ. Хайхискерсем тем пайлайман пул, арҫын урайне бензин тӑкса шӑрпӑк тивертнӗ.
Кил-ҫурт пурӑнма юрҫахсӑра тухнӑ, ашшӗ хӗрне 550 пин тенкӗлӗх тӑкак кӳнӗ.
Шупашкарта ҫывӑх вӑхӑтра (04.07.2024 03:00) уяр ҫанталӑк, атмосфера пусӑмӗ 748 - 750 мм, 21 - 23 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр енчен вӗрӗ.